DE QUEN FIARSE II. JamSession no Filloa

Fieime do que me tiña que fiar, ou mellor dito, non me fiei do que non me tiña que fiar. Teño aprendida esa lección de que non todo o que contan os xornais é certo. O mellor é que acertei de cheo.
A JamSession foi finalmente no JazzFilloa a cargo dos CALIXTO OVIEDO'S BAND, os cales encheron o pequeno local e deixaron fóra a un bó número de xente que se achegou á Rua Cega no primeiro xoves de temporal do ano.
Debido ás pequenas dimensións do local fumos descubrindo segundo fluían os temas, que estaban a tocar máis músicos dos que acertabamos a ver dende o fondo do local, ate un total de 8. Momento culminante cando se sairon con algún tema de jazz-brasileiro cantado pola fermosa voz de Lily Hernandez. O grupo o completaban Calixto Oviedo á batería e timbales, Miguel Cabana á percusión, Marcelino Galán á guitarra, Hansel Luis Díez á trompeta, Pablo Cedeño ó baixo, Sergio Delgado ó piano e Roman Filiu como artista invitado ó saxo.
A JamSession tivo dous pases, o primeiro comezou ás 22.30 e o segundo ás 23.30.

Este xoves hai de novo JamSession no Filloa a cargo de ABUÑA JAZZ. Verémonos alí.